Forcat policore sulmuan tifogrupin "SHWEIRTZEIR" (SHVERCERAT)

Forcat policore kanë sulmuar grupin e tifozëve "Shweirtzeir", të cilët më pas janë përgjigjur sulmit duke shkaktuar rrëmujë në palestrën sportive Dituria në Saraj të Shkupit. Ngjarja ndodhi në fund të ndeshjes së basketbollit në kuadër të çerekfinales së Kupës së Maqedonisë, ku u përballën Liria dhe MZT Skopje. Edhe pse deri pak para përfundimit të takimit situata ishte e qetë, në momentin kur basketbollistët e MZT Skopjes u drejtuan kah dhomat e zhveshjes, duke dashur t’i mbrojë ata, policia sulmoi tifozët, si pasojë e të cilës u lëndua një 12 vjeçar. Situata u qetësua pas disa minutave, pa ndonjë ekses më të madh. Ndërkohë sa i përket ndeshjes, Liria edhe pse pas pjesës së parë avansonte me rezultatin 38:36, në fund pësoi disfatë me rezultatin 83:74. Në ndeshjen tjetër të zhvilluar sonte Rabotniçki si mysafir mundi suadrën e Ovçe Poles, me rezultatin 61:89.