Përplasen protestuesit në Iran

Përkrahësit e qeverisë iraniane janë përplasur me kundërshtarët e tyre gjatë ceremonisë përkujtimore për vrasjen e një studenti, i cili u qëllua për vdekje dy ditë më parë. Sani Zhaleh u vra të hënën gjatë protestës antiqeveritare, që ishte më e madhja gjatë viteve të fundit. Opozita pohoi se ai ishte pjesëmarrës i protestës, por qeveria tha se ai ishte pjesëtar i forcave të sigurisë dhe u vra nga grupi rebel Muxhahedinët e Iranit. Prokurori i përgjithshëm i Iranit, Mohseni Exheje, paralajmëroi se do të ndërmerren veprime kundër liderëve të opozitës, Mir Hosein Musavi dhe Mehdi Karubi, të cilët bënë thirrje për demonstrata në shenjë solidariteti me protestuesit egjiptianë, por u shndërruan në protestë kundër qeverisë.